माउली
पंढरीच्या दारी, चालली वारी
दगड मातीची, ती मखमली वाट
सुखाच्या रेषा, ह्या पाऊली उमटे
ध्यास एकच, माउली भेट
नसे वेदना, नसे ते क्लेश
नसे काही, ते आत्म पाश
असे मनी, ह्या एकची लक्ष
ध्यास एकच, माउली भेट
नसे जाणीव, पाय भेगांची
नसे काळजी, तन मनाची
फिकीर नसे, मनी कशाची
ध्यास एकच, माउली भेट
स्वप्न उराशी, एकच घेउनी
माय पंढरी, चालत जाऊनी
माथा चरणी, माय माउली ठेउनी
ध्यास एकच, माउली भेट
खंत एकच, आहे ह्या उरी
नाही वारी, ह्याही वर्षी
माऊलीच ती, आलीया दारी
दर्शन देई, अनेक रुपी
ध्यास तिज, भेटी आहे मज
ध्यास एकच, माउली भेट
©️ उदय पोवळे
.jpg)
No comments:
Post a Comment