MAHITI DARSHAN

*कोणत्याही संकटात न डगमगणार्या 

एका कोकणी माणसाचे करोना आजारा विषयी मनोगत*

 *कोरोनाक कशाक घाबारतव ?*

फाटफटीक चुल पेटता

पाणी कडकडीत होता

दात घासून गरम पाणयान खसखसावन न्हातव

*आमी कोरोनाक कशाक घाबारतव ?*

घराघरात संडास बांधलेलो आसा

पॉट साफ जरा निवांत बसा

टिश्यु पेपर नको साबणान हात स्वच्छ धुतव

*आमी कोरोनाक कशाक घाबारतव ?*

रात्रीचा शीळा पाक्या शिल्लक नसता

सकाळाक चुलीर गरम भाकरी होता

पात , आला घातलेली चाय आमी पितव

*आमी कोरोनाक कशाक घाबारतव ?*

दिवसभर आमचा काम निब्रात चलता

घामाच्या धारेत सगळा व्हावान जाता

गरम जेवान येग येगळ्या ताटात जेवतव

*आमी कोरोनाक कशाक घाबारतव ?*

ओळखीच्या माणसाक नमस्कार होता

एकमेकाची खुशाली समाजता

भरता इला तरी आमी मिठी खय मारतव ?

*आमी कोरोनाक कशाक घाबारतव ?*

परडयात भाजीपालो होता

तांदुळ गोटो वर्षभर पुरता

बॉयलर नको घरातच कोंबडी पाळतव

*आमी कोरोनाक कशाक घाबारतव ?*

आमचो देवार इश्वास आसता

जय थय आमची तो पाठराखण करता

इतका आसला तरी डोळसपणान

आमी माणूस म्हणान जगतव

*आमी कोरोनाक कशाक घाबारतव ?*

@@@@@@@@@@@@@@@@@@@@@@@@

कृतज्ञ मी देवा तुझा

क्वारंटाईन होण्यासाठी    

    माझ्याकडे घर आहे,

दोन्ही वेळा भागवायला 

    अन्नही पोटभर आहे ! १

मनोरंजन खूप आहे,

    टीव्ही आणि इंटरनेट,

हवं ते मिळतंय सारं,

    एक फोन करता थेट ! २

दिवसभर व्हॉट्स अप चालू,

    भ्रमणध्वनी हाताशी,

कपाटात पुस्तकांच्या

    रचून ठेवलेल्या राशी ! ३

खूप जरी नसले तरी

    पैसे आहेत खात्यामध्ये,

गळ्यात गळा नसला तरी

    ओल आहे नात्यांमध्ये ! ४

वीज आहे, पाणी आहे,

    तसं काहीच कमी नाही,

उगीच कशाला कण्हायचं,

    कारण काढत काहीबाही ! ५

कित्येक जण असे आहेत,

    ज्यांच्याकडे नाही सारं,

कसे असतील जगत ते,

    एकांताचं झेलत वारं ! ६

त्यांच्याकडे नाही बरं कां

    वरीलपैकी एकही गोष्ट,

शारीरिक अन् मानसिक

    नशिबामध्ये केवळ कष्ट ! ७

तुलनेमध्ये त्यांच्या आपण

    सुखी आहोत कितीतरी,

देवाजीची आपल्यावरती

    कृपा आहे हीच खरी ! ८

कृतज्ञ मी देवा तुझा,

    जे दिलंस त्याच्यासाठी,

ज्यांच्याकडे काहीच नाही

    ठेव थोडं त्यांच्यासाठी ! ९