MAHITI DARSHAN

  

*विचार हा शब्द वाचताच,*

*आपल्या मनात असंख्य विचार येऊ लागतात.*

*आता कोण,कधी, कुठे,कोणता, कसला,कुणाचा,किती,*

*व कसा विचार करेल,*

*ते काही सांगता येत नाही.*

*काही माणसं क्षुल्लक गोष्टींचा,*

*अती विचार करतात,*

*तर काही गंभीर...*

*आणि महत्त्वाच्या गोष्टींचाही,*

*फारसा विचार करताना दिसत नाहीत.*

*बरेचदा चिंतन करण्यापेक्षा,*

*चिंताच जास्त करतात.*

*हल्ली माणसं एवढी विचारमग्न झालीत की,*

*रस्त्याने चालताना,वाहन चालवताना,हातवारे करणे, मान हलवणे,*

*किंवा स्वतःशीच पुटपुटणे असे प्रकार दिसायला लागलेत.*

*विसरणं,स्वमग्न होणं,*

*एखाद्याला खरेदीनंतर पैसे न देताच निघणं,*

*किंवा पैसे परत न घेता जाणं,*

*असेही प्रकार वाढत आहेत.*

*हल्ली मला खूप टेंन्शन आलंय,*

*नुसता येड्याचा विचार झालाय,*

*विचार करूनबी काहीच उपयोग होईना.*

*असे शब्द वा वाक्ये ब-याचदा लहानथोर माणसं बोलताना आपण पाहतो.*

*कधीकधी मागचापुढचा विचार न करता,*

*एखाद्या गोष्टीचा निर्णय घेतल्यानं,*

*आपण अडचणीत येतो.*

*तर कधी आपण विचार करतो एक,*

*आणि होतं दुसरंच.*

*काहीजण आजच्या जगण्याचा आनंद घ्यायचा सोडून,*

*अनेक पिढ्यांची सोय पाहण्याने अडचणीत येतात.*

*जरा विचारपूर्वक विचार करा.*

*मृत्यूनंतर आपण सोबत काय घेऊन जाणार आहोत.*

*तेंव्हा इतकंच पसरा की,*

*आवरायला सोपे जाईल.*

*आपल्याशी असंबंधीत गोष्टींचा फारसा विचार करू नका.*

*गल्लीत बसून दिल्लीच्या गप्पा काय कामाच्या,*

*विद्यार्थ्यांनी अभ्यासाचा,*

*तरूणांनी व मध्यम वयीनांनी कामाचा,*

*व वृद्धांनी आहे ते छान मानत,*

*चित्ती असू द्यावे समाधान,*

*असे राहणे याचा विचार करावा.*

*चांगल्या विचारानं माणूस जसा घडतो,*

*तसा अती विचारानं बिघडतोही.*

*तेंव्हा सुखदुःखे समं कृत्वा ।*

*असं राहण्याचा विचार करावा.*

*उद्याच्या विचारात आजचं जगणं संपवू नका.*

*इतरांप्रमाणे बनण्याचा वा मुलांनाही इतराप्रमाणे बनवू नका,*

*इतरांपेक्षा काहीतरी वेगळे करण्यासाठीच,*

*तर तुम्हांला विधात्याने वेगळं बनवले आहे,*

*याचा नीट विचार करा.*

*आपली कर्तव्ये प्रामाणिकपणे पार पाडू.*

*कोणी जर चुकत असतील तर माफ करू.*

*कोणी चांगलं करत असेल तर शुभेच्छा व आशीर्वाद देवू.*

*जमेल तेवढी सेवा करीत राहू.*

*स्वतःसाठीही थोडंसं आनंदाने जगणं जपणं,*

*आणि छंद जोपासण्याचा विचार करू.*

*तरच आमचं जगणं आधिक सुंदर होईल.*

*तुम्हीही अंतर्मुख होऊन, विचार करून पहा.*

*हाच आहे आपल्या जगण्याचा,*

*खरा जीवनविचार...!!*