जीणे जगणे |

जीणे जगणे जगणे

कधी हसणे रडणे

खरे असो खोटे काही

अंतरात साठविणे

जीणे जगणे जगणे ||

मन रमते बाल्यात

चिंता खंत ना मनात

असो दिन असो रात

मांगल्याची बरसात

जीवनाची सुरुवात

स्वप्नसुखात रमणे

जीणे जगणे जगणे ||

तारुण्याची रंगभूमी

अभिनय ठायीठायी

रंगरंगोटी भरते

अभिनव अभिनयी

जीवनाच्या मध्यावर

आता थोडे विसावणे

जीणे जगणे जगणे ||

वार्ध्यक्याच्या पावलांनी 

जीवन सरे पुढती

विश्वंभर तो पाठीशी

जरी गात्रे ती थकती

उरलेल्या काही क्षणी

हरिभजनी रमणे 

जीणे जगणे जगणे ||

-अनंत देवघरकर

अलिबाग.

९४२०६४५७२८