हॅप्पी अधिक मास

  *वऱ्हाडी हास्य कविता* 

    *“हॅप्पी अधिक मास”* 

                      (..डॉ. स्वप्नील मानकर )

*अधिकमास आला म्हणून*

*मी भाय खुश झालो होतो*

*सासुरवाडीच्या बुलाव्याची*

*वाट पाहुन रायलो होतो*

            *आज यिन उद्या यिन वाटे*

            *पण निरोपाचा नोता पत्ता*

            *वाटलं कोरोना बाबा यंदा*

            *हुकवते वाटते जांगडबुत्ता*

*शेवटी आला बॉ फोन म्हणे*

*जवाई अधिकमासाले या ना*

*बयाच मनलं तंगीचे वर्ष हाये*

*जमत नसल तर राहू द्या ना*

            *म्हणे काही जरी झालं तरी*

            *आम्ही रूढी इसरणार नाई*

            *मनलं इतल्या मिनता करता*

            *तर यावच लागन सासूबाई*

*पोचल्यावर आमाले त्यायनं*

*कोठ्याशेजीची खोली देली*

*म्हने सरकारी नियमाप्रमाणे*

*क्वारन्टाईन व्यवस्था केली*

            *मंग काय सांगता हाल भौ*

            *दाराबाहेर आणून ठेवे ताट*

            *शेणाचा वास घेतघेत जेवो*

            *भांडे घासून लागली वाट*

*तीन दिवस निंगुन गेले पण*

*कोणी एक शब्द बोले नाही*

*पण दान भेटते म्हणून माये*

*पाय काई तिथून हाले नाही*

            *शेवटी मनलं थकलो आता*

            *आमी गावाले वापेस जातो*

            *सासूबाई बोलली थांबा जरा*

            *अधिक मासाचं दान देतो*

*मोठाज्यात डब्बा देला हाती*

*म्हणे घरी जाऊनच खोलजा*

*गिफ्ट आवडलं का नाही ते*

*एकाद फोन करून बोलजा*

            *भल्ल्या खुशीत घर गाठलं*

            *पयले गिफ्टचं पॅक उघडलं*

            *अंदरला नजारा पाहून दादा*

            *माय तर बॅलन्सच बिघडलं*

*मास्क अन सॅनिटाईजर होतं*

*ज्याचा आला मले उग्र वास*

*संग चिठ्ठी देली होती लिहून*

*जवाईबापू हॅपी अधिकमास*

            *थंड डोस्कं ठेवून ईचार केला*

            *हे दान खरंच जीवनदान होतं*

            *सोनं चांदी पैसा अदला सबन*

            *आपल्या जीवापेक्षा मोठं नोतं*

*सोनं चांदी पैसा अदला सबन*

*आपल्या जीवापेक्षा मोठं नोतं*

                              ...शीघ्

शब्दार्थ :-

भाय :- खूप

बयाच :- उगीउगी

या बारिले :- या वेळेला

मिनता :- विनवणी

मनल :- म्हटलं

कोठ्या शेजीची :- गोठ्याच्या बाजूची

वापेस :-परत वापस

सबन :- सगळं