पाय जपावा
वळण्याआधी
तोल जपावा
ढळण्याआधी
अन्न जपावे
विटण्या आधी
नाते जपावे
तुटण्याआधी
शब्द जपावा
बोलण्या आधी
अर्थ जपावा
मांडण्याआधी
रंग जपावे
उडण्याआधी
मन जपावे
मोडण्याआधी
वार जपावा
जखमे आधी
अश्रू जपावे
हसण्याआधी
श्वास जपावा
पळण्याआधी
वस्त्र जपावे
मळण्याआधी
द्रव्य जपावे
सांडण्या आधी
हात जपावे
मागण्याआधी
भेद जपावा
खुलण्याआधी
राग जपावा
भांडणाआधी
जीव जपावा
जळण्याआधी
वेळ जपावी
मरण्याआधी...!
=====================================
निवृत्तांची शाळा
**********
पिंपळाच्या पारावर,
निवृत्तांची शाळा भरे।
प्रत्येकाच्या दफ्तरांत,
वेदनेची आंबट बोरे।।
नवी कवळी जुना चष्मा,
ठीकठाक बसत नाही।
बघणे,घेणे,खाणे,पिणे-
क्रियापदही सोसत नाही।।
नांवापुरता कर्ता उरे,
कर्मभोग जगणे आले।
भाषणबाजी बंद आतां-
वेदनेचे गाणे झाले।।
इतिहासी सनावळीत,
जन्मतारीख आठवत नाही।
भूगोलाच्या अक्षांशाला,
भाग्यरेखा छेद देई।।
काळ-काम-वेगामुळे,
पोट धरून हसलो नाही।
गळकी तोटी फुटकाहौद,
रिकामाच रुसलो नाही।।
अॉफिसात जाणे नाही,
घरचे तर!(बोलू नका)।
पारावर जा!बसा!!
सदान् कदा हाच ठेका।।
धापा टाकीत आलो आहे,
लगेच घंटा बडवूं नका।
शाळा सुटली म्हणून ही,
कोरी पाटी फोडू नका।।
दफ्तर उघडून बसतांना,
भगवंताला हात जोडले।
"तुझं बाबा!बरं आहे,"
*म्हातारपण तुला कुठले*
---------------------------------------------------------------
*ही कविता लिहिणाऱ्याला सलाम 
*
**कसे आहात ?*
*मजेत !*
*मी ?*
*मी पण मजेत !*
*अरे वा काय कमाल* *आहे ?*
*मी मजेत*
*तुम्ही मजेत*
*मग दुःखी कोण आहे ?*
*दुःखी ?*
*कुठंय कोण दुःखी ?*
*या एका प्रश्नावर*
*सारी जनता मुकी !*
*दुःख कुणी सांगत नाही*
*हेच मोठं दुःख*
*सुखी मात्र कुणीच नाही*
*एवढं मात्र पक्क !*
*दुःखाला वाटते*
*हसण्याची भीती*
*रोज सोबत राहून सुद्धा*
*माणसं राहतात रीती !*
*एकमेकाचा रितेपणा*
*घालवावाच लागेल*
*तरच माणूस चार दिवस*
*मजे मध्ये जगेल !*
*बोलता बोलता हासलं की*
*डोळ्यात येतं पाणी*
*मग बघा दुःखाचीही*
*होतात गोड गाणी*
*कुणाच्याही दुःखाची*
*करू नका टिंगल*
*दुसऱ्याला हासल्यावर*
*कसे होईल मंगल ?*
*आपल्या बद्दल इतरांना*
*विश्वास वाटला पाहिजे*
*"आतलं दुःख सांगताना"*
*आधार वाटला पाहिजे*
*काळजाच्या कपारीतली*
*सल सांगत जावी*
*वेदना कमी करण्यासाठी*
*फुंकर घालत जावी*
*मग बघा माणसं कशी*
*आपसूक जवळ येतात*
*एकमेकाच्या दुःखाला*
*अलगद कवेत घेतात*
*इथे मजेत राहण्याचा*
*एकच उपाय आहे*
*मन मोकळं* *करण्यासाठी*
*आपली माणस हवी आहे!!!*
.jpg)
No comments:
Post a Comment