MAHITI DARSHAN

 ही कविता नक्की वेळ काढुन वाचा...

अप्रतिम रचना...

...

...

परवा अचानक शाळेतला,

जुना बाक भेटला..

शरीर तुटकं पाय बारीक,

थोडा म्हाताराच वाटला...

"ओळखलसं का मला?",

विचारलं त्याने हसुन...

वेळ असेल तुला तर,

बोलुया थोडं बसुन...

गाडी पाहताचं आनंदला,

हलवली तुटकी मान...

"खुप मोठा झालासं रे,

पैसा कमावलासं छानं"

"ओळखल्यास का बघ ह्या,

माझ्यावरच्या रेघा...

भांडण करुन मिळवलेली,

दोन बोट जागा...

अजुनही भेटतात का रे,

ओक्या, मन्या, बंटी...?

टाळ्या देत करत असालं,

मनमोकळ्या गोष्टी...

डबा रोज खाता का रे,

एकमेकांचा चोरुन?

निसरड्या वाटा चालता का,

हाती हात धरुन..?

टचकन् डोळ्यात पाणी आलं,

कंठ आला भरुन...

मित्र सुटले, भेटी सरल्या,

सोबत गेली सरुन...

धावता धावता सुखामागे,

वळुन जेंव्हा पाह्यलं...

एकटाचं पुढे आलो मी,

आयुष्य मागे राह्यलं...

त्राण गेलं, आवेश संपला,

करावं तरी काय..?

कोरड पडली घशाला,

थरथरले तरणे पाय...

तेव्हढ्यात आला शेजारी,

अन् घेतलं मला कुशीत...

बस म्हणाला क्षणभर जवळ,

नक्की येशील खुशीत...

"अरे वेड्या पैश्यापाठी,

फिरतोस वणवण...

कधी तरी थांबुन बघ,

फिरवं मागे मन..."

मित्र सगळे जमवं पुन्हा,

जेव्हा येईल वीट...

वंगण लागतं रे चाकांना,

मग गाडी चालते नीट...

शाळेतल्या त्या सोबत्याचा,

खुप आधार वाटला...

परवा अचानक शाळेतला,

जुना बाक भेटला...

======================================

 Ek Malvani Prem Kavita

माझा तेच्यावरचा पिरेम

माका पहिलीतच उमागाला

पण हेकाच पिरेम म्हणतत

ह्या सातवीत गेल्यार समाजला

पांढरया निळ्या गणवेशात ता

लय भारी दिसायचा

लांबसडक केस सोडल्यार

"हेमामालिनी"भासायाचा

न इसारता कपाळावर ता

टिकली लावन यायचा

टिकलीसकट शाळेत ता

सगळ्यात सुंदर भासायचा

सायकल म्हणजे तेव्वा माका

BMW वाटायची

तेका बघून चालवताना

छाती भरून यायची

तेका चिंचे आवडतत असा

फक्त तेना म्हनायचा

कि मिया राना तुडवत जावन

चिंचे घेवन यायचा

चिंचे खाताना शहारलेला बघून

माका ता लय आवडायचा

चिंचेका मग बियासकट

मिया सुद्धा खायचा

खरा म्हणजे एसटी प्रवास

माझ्या जीवार यायचा

पण ता एसटीत असला कि

एसटी सकट आवडायचा

तेच्या साठी शूरपने

सीट अडवून द्यायचा

आणि आपण मात्र लोंबकळत

तेका बगत यायचा

खरा म्हणजे भजन माका

कधी नाय आवडायचा

तेच्या साठी मातुर मी

तेच्या घरात भजनाक जायचा

भजनभर सगळा सोडून तेका

शोधीत बसायचा

आणि आतल्या खोलयेत

अंधारात बसान तेना

माझ्यार हसायचा

करंजे वाटूक ताटा घेवक

पुढे पुढे जायचा

तेना सुद्धा निम्मित्त करून

ताटा देवक यायचा

हाताक हाताचो स्पर्श

हळूच करून घ्यायचा

आणि त्या स्पर्शानंतर

सगळा जग फिक्या वाटायचा

अचानक इलेलो पावस माका

देवासारखो भासायचो

तेच्यासाठी माझ्याजवळ

एक खोळ एक्स्ट्रा असायचो

पेंडका हाडूक तेच्या शेतात

मित्रान बरोबर जायाचा

तरवो लावूक मात्र ता

आमच्या मळ्यात यायचा

आवशीच्यान सांगतय मेला

स्वप्नात सुद्धा यायचा

स्वप्नात येवन ता माका

नदीवर घेवन जायचा

न्हाता न्हाता अचानक मग

खडबडून जाग्या व्हायचा

आवस तोंडार पाणी मारी होती

ह्या नंतर लक्षात यायचा

नाय तेना म्हटल्यान तरी

नाखूष नाय व्हायचा

लग्नात तेच्या पावशेर मारून

दणकावून नाचायाचा

खरच तेव्वा गावात असा प्रेम व्हायचा