बशीतल्या पावाला...
मिसळ म्हणाली लाजून
असा दूर का उभा तू
मी तुझ्यासाठी बसले सजून
पाव म्हणाला दुःखी होऊन
तू तर तिखटजाळ...
सांग कशी जुळायची
तुझी आणि माझी नाळ
मी असा पांढरा फटक
तू किती छान सजली
गालावरती गं तुझ्या
टोमॅटोची लाली
कोथिंबीरीचा हिरवा शालू
नवरी छान लाजली...
दंडात रुतली गं तुझ्या
कांद्याची लाल चोळी...
मिसळ म्हणे पावराजा.....
असं काही नसतं
एकदा प्रेम झालं की,
ते कोणावरही बरसतं...
तू किती साधा अन
तू किती सिम्पल...
तूच माझा ऋषी अन
मी तुझी डिंपल.....
पाव म्हणाला मिसळीला
आता आपलं एकच गांव
तुला मला एकच नांव
मिसळपाव मिसळपाव
.jpg)
No comments:
Post a Comment