नटणं , सजणं
दाग-दागिने घालणं
ओठ रंगवणं
छान दिसणं
मेकअप , मेकओहर करणं
म्हणजे सुंदर ...?"
नाही...नाही..
अजिबात नाही...
छान असणं
आत्मभान , समाजभान असणं
म्हणजे सुंदर ..
मनापासून चालू होतं
हृदयापर्यंत येऊन थांबतं...
मन , मनगट, मेंदू
यांची ताकद
यांचं तारतम्य ...
म्हणजे सुंदर ...
आपलं जगणं
आपल्या अंगावर घेणं
अवती-भोवतीच्या
माणसांना समजून घेणं
इतरांच्या भावना
ओळखून अडचणीत
त्यांना मदत करणं
म्हणजे सुंदर .....
संकटांना न घाबरणं
धाडसानं प्रत्येक गोष्टीला
सामोरं जाणं
इतरांनी कितीही नाक
मुरडलं तरी आपण
त्यांच्याकडे प्रेमानं
पहाणं
म्हणजे सुंदर ....
कुणाचीही अपेक्षा
न करता ..
आपलं जगणं फुलवणं
समृद्ध करणं
म्हणजे सुंदर ...
आपल्याच आईची
वेळप्रसंगी आपण
"आई "होणं
घरातला कर्ता
"माणूस " होणं
म्हणजे सुंदर ...
निर्भीड , धाडशी
कष्टाळू , प्रेमळ
सेवाभावी , कर्तव्यतत्पर
निस्वार्थी , सद् विवेकी होणं
आणि ते जपणं
म्हणजे सुंदर...
सुंदर सहज होता
येत नाही...
खूप कष्ट लागतात...
सुंदर होण्यासाठी
कपडे बदलले...
जॉब बदलला
मित्र बदलले
घर बदललं
आयुष्य बदललं
म्हणजे सुंदर झालं
असं नाही होत...
अंतर बाह्य परोपकारी
निष्कपट , निःस्वार्थी
मृदू पण तितकंच
कणखर
ते नेहमी सुंदर...
.jpg)
No comments:
Post a Comment