--आपलं माणूस--

*★ भरले डोळे पुसण्यासाठी, आपलं माणूस लागतं.*

*★ आनंदाचा उत्सव करण्यासाठी, आपलं माणूस लागतं.*

*★ कौतुकाने पाठ थोपटायला, आपलं माणूस लागतं.*

*★ पाठीवर रट्टा द्यायलाही, आपलंच माणूस लागतं.*

*★ अशी आपली माणसं, सहजासहजी मिळत नाही.*

*★ काळजात प्रेम, स्नेह, आदर, जिव्हाळा, माया असली की,या आपलं माणूस भेटतं.*

*★ ऑनलाईनच्या जमान्यात, सगळं काही घरपोच मिळतं.*

*★ भाजीपाला, किराणा, जेवण काही क्लिकवर घरी येतं.*

*★ एक गोष्ट मात्र कधीही, ऑनलाईन मिळत नाही.*

*★ मन मोकळे करायला आपलं माणूस, कधी घरपोच येत नाही.*

*★ म्हणूनच पैशांबरोबर, आपली माणसं पण, जोडायला शिका.*

*★ इगो,मतभेद,राग,द्वेष,मत्सर सोडून, नात्यांचे अतूट बंध विणायला शिका.*

*★ नातं टिकवायला कधीतरी, कमीपणा हा घ्यावाच लागतो.*

*★ नात्यांच्या श्रीमंतीनेच, माणूस खरा श्रीमंत होतो.*

*★ आपली माणसं जोडणं, खरंच इतकं काही अवघड नाही.*

*★ थोडासा दुसऱ्याचा विचार केला, तर नातं कधीही तुटत नाही.*

*★ सहजच केलेला फोन, खरंच खूप आनंद देऊन जातो.*

*★ धावती जरी भेट दिली तरी, आपला माणूस सुखावतो.*

*★ एकटं एकटं जगण्यात, खरं सांगा बरं काय मजा आहे.?*

*★ आपलं माणूस सोबत नसेल, तर जीवन जगणं सजा आहे.*

*★ आपलं माणूस सोबत असलं की, नैराश्य दूर पळतं.*

*★ आपल्या माणसांमुळेच, आपलं आयुष्य सुंदर बनतं...!*