सध्या थंडी असल्यामुळे हवामानात देखील बदल होत आहे. त्यामुळे सातत्याने सर्दी सारखा आजार त्रास देत आहे, अशावेळी काही घरगुती उपाय केल्यास तुमची सर्दी दूर होण्यास मदत होईल.
*हळद*
हळद ही सर्वच आजारांवर एक रामबाण उपाय आहे. विशेष म्हणजे सर्दी - खोकल्यावर हळद ही फायदेशीर ठरते. त्यामुळे जर तुमचे नाक वाहत असेल तर, हळकुंड जाळून त्याचा धूर घ्यावा, याने नाकातून पाणी येईल आणि आराम मिळण्यास मदत होईल.
*वेलची*
नाक बंद झाले असेल, तर कलमी, काळेमिरे, वेलची आणि जिरे समप्रमाणात घेऊन एका सुती कापडात बांधून त्याचा वास घ्यावा, लगेचच शिंका येतील आणि आराम मिळेल.
*अडुळशाचा काढा*
काही वेळा नाकात धूर - धूर जाणे, जागरण होणे यामुळे सर्दी होते. ही सर्दी जाण्यासाठी अडुळशाचा काढा घ्यावा. गवती चहाचा काढाही साखर घालून घेतल्यास त्याचा चांगला फायदा होतो.
*ओव्याची धुरी*
काहीवेळा ओव्याची धुरी घेतल्याने सर्दी कमी होऊ शकते. ओवा परतून त्याची पुरचुंडी रुमालात बांधून ती हुंगली तर सर्दी बाहेर पडते आणि डोके देखील हलके होते.
*तुळशीची पाने*
तुळशीची पाने दोन कप पाण्यात उकळून घ्यावीत. पाणी अरेधे होईपर्यंत उकळून घ्यावे. रोज सकाळी हे पाणी गाळून प्यायल्यास सर्दी होत नाही.
*By - Dailyhunt...*
.jpg)
No comments:
Post a Comment