शहाणपण

🔸 इंग्रजीमधील common sense या शब्दाला मराठीमध्ये पूरक ठरणारा शब्द म्हणजे शहाणपण. एखादी चूक झाल्यानंतर ती चूक जेव्हा  आपल्याकडून परत होत नाही तेव्हा जे काम करते ते शहाणपण.

🔸 एखाद्या गोष्टीची माहिती नसतांना ती शांततेत इतरांकडून समजून घेणे म्हणजे शहाणपण. आलेल्या संकाटाला, अडचणीला घाबरून न जाता. त्याचा स्विकार करून त्यातून मार्ग काढण्यासाठी प्रयत्न करत राहणं म्हणजे शहाणपण. 

🔸 स्वतःला ओळखून, आपल्याला क्षमतानुसार योग्य ते कुठलंही क्षेत्र निवडून त्यामध्ये मनापासून काम करणे म्हणजे शहाणपण. उगाचच दुसरा कुणी करतोय म्हणून आपणही करावं म्हणजे मूर्खपणा होय, शहाणपण आहे.

🔸 खरं तर प्रत्येक आनंदी, यशस्वी माणसाच्या जीवनाचा पायाच हा शहाणपण असतो. ज्याच्या जवळ शहाणपण नसते तो मनुष्य नेहमी त्रस्त, दुःखी आणि उदास असतो. खात्रीशीर सांगायचं झालं तर मनुष्याच्या जीवनातील यशाचं गमक हे त्याच्या अंगी असलेलं शहाणपणच असते. आनंदी, यशस्वी व्ह्यायचे असेल तर शहाणे  व्ह्याव लागेलच.