सर्व कर्तृत्ववान महिलांना महिला दिनाच्या हार्दिक शुभेच्छा
*“वेध स्त्री मनाचा”*
(..डॉ. स्वप्नील मानकर )
*वेध स्त्री मनाचा अहो घ्याल का कुणी जरा !*
*साद तिच्या दुःखांना द्य़ाल का कुणी जरा !!*
विसरून सारं काही !
करत राहते कर्तव्य !!
पाहत असते नेहमी !
घरदाराचे भवितव्य !!
*आवडे तुज काय विचाराल का कुणी जरा !*
*वेध स्त्री मनाचा अहो घ्याल का कुणी जरा !!*
मुलबाळांंमध्ये तिला !
तिचे सर्वसुख दिसते !!
त्यांना घडविण्यातच !
तिला स्वारस्य असते !!
*मुलांना कशी वागवते पहाल का कुणी जरा !*
*वेध स्त्री मनाचा अहो घ्याल का कुणी जरा !!*
तीच जिजाऊ सावित्री !
ती असे दुर्गा सरस्वती !!
अनिष्टांना संपविण्या !
घेई वेगवेगळे रूप ती !!
*फेड त्या उपकारांची कराल का कुणी जरा !*
*वेध स्त्री मनाचा अहो घ्याल का कुणी जरा !!*
मनातल्या भावनांना !
ती व्यक्त कधी करते !!
सासरी असताना ती !
तर प्रेमाकरिता झुरते !!
*घास आईच्या मायेने भरवाल का कुणी जरा !*
*वेध स्त्री मनाचा अहो घ्याल का कुणी जरा !!*
एवढं करून ही स्त्री !
गर्भात मारली जाते !!
शिक्षण तर रहिलं दूर !
ओझे समजली जाते !!
*दोष कसा तिचा यात सांगाल का कुणी जरा !*
*वेध स्त्री मनाचा अहो घ्याल का कुणी जरा !!*
.....शीघ्रकवी स्वप्नील
०८/०३/२०१७
डॉ. स्वप्नील मानकर
मानकर बाल रुग्णालय
शिंदें प्लॉट्स, यवतमाळ
9850330301
©© आवडल्यास कृपया नावासाहित फॉरवर्ड करा
धन्यवाद
.jpg)
No comments:
Post a Comment