--कळलेच नाही--

*वर्षानुवर्षे निघुन गेली*

*धकाधकीच्या जीवनात*

*वय कधी वाढले*

*कळलेच नाही !!*

*खांद्यावर खेळवलेली मुलं*

*खांद्याला खांदा लावून कधी ऊभी राहीली*

*कळलेच नाही !!*

*भाड्याच्या घरात सुरु केलेला संसार,*

*स्वतःच्या घरात कधी रुळला*

*कळलेच नाही. !!*

*सायकलचे पेडल मारून दमत होतो*

*केव्हा कारमधे फिरायला लागलो*

*कळलेच नाही !!*

*कधी मुलांची जबाबदारी होती,*

*आपली त्यांच्यावर केव्हा गेली*

*कळलेच नाही!!*

*एकेकाळी दिवसापण ढाराढूर झोपायचो*

*रात्रीची झोप केव्हा कमी झाली*

*कळलेच नाही!!*

*ज्याकाळ्या केसांवर भाव मारत होतो*

*ते पांढरे केव्हा झाले*

*कळलेच नाही!!*

*वणवण भटकत होतो एका नोकरीसाठी,*

*रिटायर्ड सुद्धा झालो*

*कळलेच नाही !!*

*मुलांसाठी आयुष्यभर जगत होतो*

*मुलं त्यांच्या आयुष्यात कधी रुळली*

*कळलंच नाही !!*

*आता ठरवलं की स्वतःसाठी जगावं*

*पण शरीराची साथ हळूहळू कमी होत आहे*

*कळलेच नाही!!*