*तर सखे एक दिवस..*
मुक्ती आणि वैभवाचे सोहळे साजरे करताना मुक्तिदाते कृतघ्नतेने
जर तू विसरशील
तर सखे एक दिवस नक्कीच तू पस्तावशील
शौर्य, सत्ता,सामर्थ्य तुझे
गाजवत नि वाजवत राहा
पण वर्तमान घडवताना
भूतकाळ जर विसरशील
तर सखे एक दिवस नक्कीच तू पस्तावशील
राखेतून मनुस्मृतिच्या
सोन्यासारखीझळाळलीस
आता मुक्तीग्रंथ संविधान
जर तू विसरशील
तर सखे एक दिवस
नक्कीच तू पस्तावशील
कपाळावरच्या रेघेसारखं
कोरून मनात ठेव
अलंकारम्हणूनसाखळदंड
अभिमानानेजरमिरवशील
तर सखे एक दिवस
नक्कीच तू पस्तावशील.
शिखरे सर करताना
मागे वळून पाहात चल
मुक्त संचारतानाआभाळी
जमिनीला जर विसरशील
तर सखे एक दिवस
नक्कीच तू पस्तावशील
------------------------------
अर्जुन जगधने, गोरेगाव
मुंबई 9869474782
=================================================
मॅडम ,
तुम्ही फार छान दिसता....
जितक्या छान दिसता ,
त्यापेक्षाही छान
तुम्ही हसता मॅडम...! 
तुमचंही एक घर असेल ,
नवरा असेल , सासू असेल ,
सासरा असेल , दीर असेल ,
घरात सारखी पिरपिर असेल
जाऊ बाई जोरात असतील
नणंद बाई तोऱ्यात असतील
तुम्हाला छोटी छोटी
मुलं असतील ,
तुमच्या बागेत फुलं असतील
सर्वांसाठी तुम्ही
अहोरात्र झिजता ,
आणि तरीही ,
मॅडम तुम्ही फार छान दिसता
जितक्या छान दिसता ,
त्यापेक्षाही छान तुम्ही हसता ..... !
तुमच्याही घरात
भांड्याला भांडे लागत असणारच ,
कुणी आपुलकीने
तर कुणी द्वेषाने वागणारच !
कुणी रुसणार ,
कुणी फुगणार ,
कुणी रागवणार ,
कुणी जागवणार ,
कुणी भरवणार ,
कुणी जिरवणार ,
मन मारून तुम्ही --
सगळ्यांचच मन राखता !
आणि तरीही ,
मॅडम तुम्ही
फार छान दिसता ,
जितक्या छान दिसता --
त्यापेक्षाही छान
तुम्ही हसता....!
सासऱ्याची एकादशी
सासूचा प्रदोष ,
नवरा म्हणतो कर --
त्याचा काय दोष ?
दीर म्हणतो गरम वाढा ,
नणंद म्हणते उष्टी काढा ,
आजेसासूची गोळीची वेळ ,
मुलं म्हणती आमच्याशी खेळ
नवऱ्याचाही असतो थाट ,
नखरे त्याचे सतराशे साठ .
आल्या गेल्याचही तुम्ही
किती बेवार बघता ,
आणि तरीही ,
मॅडम तुम्ही
किती छान दिसता ,
जितक्या छान दिसता --
त्यापेक्षाही छान
तुम्ही हसता...!
तुम्हालाही मन आहे
कोण जाणतं ?
तुम्हालाही भावना आहे
कोण जाणतं ?
तुम्हीही माणूस आहात
कोण मानतं ?
त्यांना तुमचं काम हवं ,
कमावून आणलेलं दाम हवं ,
तुमची माया हवी ,
तुमची अख्खी काया हवी ,
विनातक्रार तुम्ही सारं
कसं काय सोसता ?
पण जाऊद्या ,
मॅडम तुम्ही फार
छान दिसता ,
जितक्या छान दिसता --
त्यापेक्षाही
छान तुम्ही हसता..... !
.jpg)
No comments:
Post a Comment